РБ, Гродзенская вобл., г.п.Зэльва

+375291247534 gorchichko@mail.ru

Дыстанцыйная алімпіяда па беларускай мове «Кошык пунктуацыі» для 7 класа (08.02.2019 г.): вынікі і аналіз заданняў

алімпіяда

Па выніках дыстанцыйнай алімпіяды «Кошык пунктуацыі» для 7 класа, якая прайшла на нашым сайце 08.02.2019 г., пераможцамі сталі:

Сінкевіч Ілья, ДУА «Беняконская сярэдняя школа» Гродзенскай вобласці. Свой дыплом Ілья можа спампаваць тут

Волкаў Аляксандр, ДУА «НПК Хвінявіцкі дзіцячы сад — сярэдняя школа» Гродзенскай вобласці. Свой дыплом Аляксандр можа спампаваць тут

 

Другое месца заваявалі:

1Крукава Ангеліна, ДУА «Гімназія г.Быхава» Магілёўскай вобласці. Свой дыплом Ангеліна можа спампаваць тут

2. Бендзянкова АнастасіяДУА «Сярэдняя школа №35 г.Магілёва». Свой дыплом Анастасія можа спампаваць тут

3. Манкевіч Раман, ДУА «Сярэдняя школа №4 імя В. Маркелава г. Гомеля». Свой дыплом Раман можа спампаваць тут

4. Шымялевіч Арцём, ДУА «Доцішская сярэдняя школа» Гродзенскай вобласці.  Свой дыплом Арцём можа спампаваць тут.

5. Хальпукова Дарына, ДУА «Сярэдняя школа №23 г.Магілёва». Свой дыплом Дарына можа спампаваць тут

6. Чарвякова Марына, ДУА «Брынёўскі дзіцячы сад-сярэдняя школа». Свой дыплом Марына можа спампаваць тут

7. Ларына Дар’я, ДУА «Заеліцкі навучальна-педагагічны комплекс дзіцячы сад — сярэдняя школа». Свой дыплом Дар’я можа спампаваць тут

8. Галавач Настасся, ДУА «Навіцкавіцкая сярэдняя школа». Свой дыплом Настасся можа спампаваць тут

9. Бакшук Юлія, ДУА «НПК Хвінявіцкі дзіцячы сад-сярэдняя школа». Свой дыплом Юлія можа спампаваць тут

 

Трэцяе месца занялі: 

1. Крывеня Яна, ДУА «Сярэдняя школа № 14 г. Ліды» Гродзенскай вобласці.  Свой дыплом Яна можа спампаваць тут.

2. Партненка Арцём, ДУА «Сярэдняя школа №23 г.Магілёва». Свой дыплом Арцём можа спампаваць тут.

 

Вучні, якія не ўвайшлі ў лік прызёраў, але выканалі больш за 50% заданняў, атрымаюць электронныя сертыфікаты ўдзельнікаў.

СЕРТЫФІКАТЫ ЎДЗЕЛЬНІКАЎ:

Шчэрбакоў Аляксандр, ДУА «Сухарэўскі вучэбна-педагагічны комплекс яслі-сад — сярэдняя школа імя Ю.М.Двужыльнага» (спампаваць).

Ціханава Таццяна, ДУА «Сярэдняя школа №32 г. Бабруйска» Магілёўскай вобласці (спампаваць).

Султанаў Максім, ДУА «Сухарэўскі ВПК яслі-сад-сярэдняя школа імя Ю.М.Двужыльнага» Магілёўскай вобласці (спампаваць).

Карняйчук Віялета, ДУА «Сярэдняя школа №32 г. Бабруйска» Магілёўскай вобласці (спампаваць).

Шаляпенка Аліна, ДУА «Забялышынская сярэдняя школа» Магілёўскай вобласці (спампаваць).

Юшкевич Арына, ДУА «Гімназія г. Быхава» Магілёўскай вобласці (спампаваць).

Фан-Дык Ліяна, ДУА «Сярэдняя школа №32 г.Бабруйска» Магілёўскай вобласці (спампаваць).

 

Поўны спіс удзельнікаў алімпіяды кожнай установы адукацыі з працэнтам выканання заданняў адміністрацыя можа даслаць праз электронную пошту, калі кагосьці з настаўнікаў цікавяць вынікі тых удзельнікаў, якія не трапілі ў зводную табліцу.

Зводная табліца вынікаў вучняў, якія выканалі больш за 50% заданняў:

(Арфаграфія ў табліцы захавана аўтарская: так зарэгістраваліся вашы вучні!)

Праверка заданняў ажыццяўлялася спачатку ў аўтаматычным рэжыме, а потым уручную адсочваліся вынікі кожнага ўдзельніка. Таму вынікі ў табліцы могуць не супасці з тымі, якія бачылі вучні пасля выканання заданняў.

Адказы на заданні алімпіяды

Заданне 1. Вызначце, якім членам сказа з’яўляюцца выдзеленыя інфінітывы, і запішыце.

Вучні хацелі сабраць матэрыялы пра ўдзельнікаў партызанскага руху. (выказнік)

Настаўнік прапанаваў вучню перадаць вусна змест апавядання. (дапаўненне)

Хадзіць і размаўляць было забаронена. (дзейнікі)

Трэнер раіў Пётру зайсці на трэніроўку. (дапаўненне)

Уменне пісаць Максім выпрацаваў рана. (азначэнне)

Жыццё пражыць — не поле перайсці. (выказнік)

Заданне 2. Выпішыце з кожнага словазлучэння галоўнае слова:

трэція суткі – суткі;

вытаптаная сцежка – сцежка;

спрадвеку ўмела – умела;

жаданне вучыцца – жаданне;

прыйсці без настрою – прыйсці;

пяць дамоў – пяць.

Заданне 3. Адзначце сказы, у якіх ёсць аднародныя дапаўненні.

Развітаўшыся з Клімам, Наталля Пятроўна забегла на ўрачэбны пункт, пакінула там інструменты і рушыла дадому.

Марозны снег пад нагамі парыпвае гучна і бадзёра.

Разгароджаны двор зарос палыном і крапівою.

Непадалёку быў горад, які зіхацеў сінімі, белымі, жоўтымі агнямі.

Пачынаеш адчуваць неабдымнасць нашай зямлі, бязмежжа яе прастораў.

Глушцовым пер’ем тут і мох і ліст прапах.

Вязу і сярпы я, і косы, і граблі ў свой стан на Сажы.

Заданне 4. Адзначце сказы, у якіх на месцы пропуску (пропускаў) не хапае коскі (косак):

√ А тут, у нізіне, быў зялёны змрок _пранізаны туманна-залацістым водсветам заранкі.

√ Вясна_ пачаўшыся раптоўна_  няспынна збірала сілы

За курганам бліснула_ налітая веснавой вадой_ лагчынка.

√ Ахутаны туманам _горад здаваўся брудным, няўтульным.

Камандзір аддаў загад _наступаць.

Каб ведалі, хто падпаліў пасеку, судзілі б _не шкадуючы.

Дзядзька Іван не ўмее сесці і сядзець _ склаўшы рукі.

√ Цяжка параненаму_ яму пашчасціла ў вулічнай сумятні нырнуць у людскі натоўп і ўцячы.

Заданне 5. Адзначце сказы, у якіх знакі прыпынку пастаўлены правільна.

√ Начныя зоры, месяц поўны і хмарак белых караблі красою ззяюць непаўторнай для чалавека і зямлі.

√ Бярыце з роднага парога і хлеб, і песню ў шлях з сабой.

Навечна будзь благаславёны запрацаваны ў поце хлеб! (правільна: Навечна будзь благаславёны, запрацаваны ў поце хлеб!)

Чалавеча запытай ты сябе: што зрабіў для Айчыны, ці многа? (правільна: Чалавеча, запытай ты сябе: што зрабіў для Айчыны, ці многа?)

Люблю я, ліпеньскае неба, у кветках, каласах, расе. (правільна: Люблю я ліпеньскае неба у кветках, каласах, расе.)

√ Ой вы, сонца, месяц, зоры! Праўду мне скажыце.

Заданне 6. Адзначце сказы з развітымі звароткамі:

√ Ты сагравала і натхняла, хоць быў я ад цябе здаля, зямля Заслонава, Купалы, Якуба Коласа зямля.

Дзвіна, Дзвіна! Люблю ў імгле вячэрняй прыветны ўсплёск тваіх празрыстых вод!

Ты, Радзіма, на тысячы год заслужыла сабе цішыню.

Дзень добры вам, лясы і далі, прасторы вольныя зямлі!

√ Адкажы мне, вербачка, адкажы мне, мілая, чаму ты ўсё смуцішся, журышся, пахілая.

√ Рака наша слаўная Нёман, чысцейшая чэрвеньскіх рос, хто мар не ўплятаў у твой гоман, табе хто пашаны не нёс?

√ Табе, мой родны краю, жыццё ўсё аддаю сваё, і думкі, й песні, і ўсю любоў маю.

Пранікніцеся любоўю да маёй роднай Беларусі, людзі.

Заданне 7.Вызначце, якіх знакаў прыпынку не хапае ў наступным сказе:

Усё пад небам густое голле вішняку бары патрэсканая глеба і абамлелая рака прасіла ў прыроды дажджу.

√ працяжнік;

тры коскі;

√ дзве коскі;

√ двукроп’е;

чатыры коскі;

кропка з коскай.

(Усё пад небам: густое голле вішняку, бары, патрэсканая глеба і абамлелая рака — прасіла ў прыроды дажджу.)

Заданне 8. Адзначце сказы, дзе на месцы пропуску абавязкова ставіцца працяжнік:

√ Свая зямля_  вось што аснова!

Мой дзядзька _ не рамантык.

Хлопцы, відаць, _ добрыя рыбакі.

Працавітая Тэкля _ жанчына.

√ Пятнаццаць вёрст _ шлях немалы…

√ Языком малоць _ не дрэвы калоць.

√ Восень _ самая грыбная пара.

Заданне 9. Выпішыце са сказа ўсе рады аднародных членаў. Запісвайце словы праз коску ў той форме, у якой яны пададзены ў сказе.

Усе нас і чужынцаў у Беларусі захапляе: сцежкі і пералескі, ціхія жытнёвыя палі і магутныя дубы; хочацца ісці ды ісці па гэтых дзівосных, напоеных жыццём прасторах.

Увага: пустых акенцаў больш, чым радоў. У такім выпадку лішнія не запаўняйце, а пішыце словы больш няма.

1 рад: нас і чужынцаў;

2 рад: сцежкі, пералескі, палі, дубы;

3 рад: дзівосных, напоеных жыццём;

4 рад: больш няма;

5 рад: больш няма.

Заданне 10. Выпішыце са сказаў дзейнікі.

Бацька з сынам прыйшоў у стары калгасны сад. (бацька)

На ўзгорку відаць былі школа і сад. (школа і сад)

Пасля канікулаў прайшло амаль два месяцы. (два месяцы)

Смяяцца з сябра — нядобрая звычка. (смяяцца)

Дзяцінства і юнацтва паэта прайшлі ў вёсцы. (дзяцінства і юнацтва)

Толькі пяць дрэў засталося ад колішняга вялікага саду. (пяць дрэў)

Заданне 11. Вызначце, якім членам сказа з’яўляецца выдзелены фразеалагізм, і запішыце.

Віктару ўдалося абвесці вакол пальца настаўніка чарчэння. (дапаўненне)

Косця ў свае дзесяць гадоў быў кату па пяту. (выказнік)

Апошняя задача на ЦТ стала для Максіма тым самым гордзіевым вузлом, разрубіць які яму не ўдалося. (выказнік)

Усё жыццё Аўдоцця марыла жыць на шырокую нагу. (акалічнасць)

Калі ўзыдзе цыганскае сонца, ад мяне і следу не застанецца. (дзейнік)

Заданне 12. Адзначце словазлучэнні, якія адпавядаюць нормам беларускай літаратурнай мовы:

падзякаваць настаўніка (правільна: падзякаваць настаўніку);

√ за кіламетр ад возера;

√ падобная да сястрычкі;

√ некалькі разоў на тыдзень;

два яркіх парасоны (правільна: два яркія парасоны);

√ пісаць на адрас

чытаць пра сябе (правільна: чытаць сам сабе).

Заданне 13. Адзначце сказы, у якіх правільна вызначаны выказнік:​​​​​​​

У нашым гарадку на месцы старога саду будуць разбіваць парк.

√ Пасля навальніцы паветра чыстае.

Добрае слова, кажуць, саладзейшае за мѐд.

√  У Нацыянальнай    бібліятэцы     Беларусі  знаходзіцца больш за 70 тысяч рукапісаў, старадрукаваных і рэдкіх выданняў.

Гром    кудлатай   хмарцы   загадаў  сыпануць градам.

√ Добрае слова і кошцы прыемна.

3аданне 14. Вызначце, у якіх сказах дапушчаны пунктуацыйныя  памылкі.

√ Вучань адказваў, не хвалюючыся. (правільна: Вучань адказваў не хвалюючыся.)

√ Коцяцца ўдаль набіраючы сілу хвалі лагодныя да небасхілу. (правільна: Коцяцца ўдаль, набіраючы сілу, хвалі лагодныя да небасхілу.)

Нельга чытаць лежачы.

√ Сіратлівы бусел задумаўшыся стаяў на адной назе і падоўгу глядзеў на поўдзень. (правільна: Сіратлівы бусел, задумаўшыся, стаяў на адной назе і падоўгу глядзеў на поўдзень.)

Шумна ўздыхнуўшы, лось цяжка выбраўся на мелкае месца.

Вольхі, сплёўшыся карэннем, трымалі адна адну.

 Заданне 15. Вызначце сказы, у якіх дапушчаны памылкі ва ўжыванні дзеепрыслоўяў.

Дзеці хадзілі па лузе, разглядаючы кветкі.

√ Адпачываючы летам, дзеці старанна ўзяліся за вучобу. (правільна: Адпачнуўшы летам, дзеці старанна ўзяліся за вучобу.)

3 поля ідучы, спяваюць песню звонкую дзяўчаты.

√ Чытаючы цікавую кнігу, у мяне аж выскоквала сэрца ад хвалявання. (правільна: Калі я чытаў цікавую кнігу, у мяне аж выскоквала сэрца ад хвалявання.)

√ Забывая бацькоў, забываем і пра сваю будучыню. (правільна: Забываючы бацькоў, забываем і пра сваю будучыню.)

Гэта вецер там сваволіць, ліст страсаючы з галін.

Добавить комментарий

Ваш e-mail не будет опубликован. Обязательные поля помечены *