РБ, Гродзенская вобл., г.п.Зэльва

+375291247534 gorchichko@mail.ru

Дыстанцыйная алімпіяда па беларускай мове «Стылістычныя прыгоды» для 7 класа (01.03.2019 г.): вынікі і аналіз заданняў

Па выніках дыстанцыйнай алімпіяды «Стылістычныя прыгоды» для 7 класа, якая прайшла на нашым сайце 01.03.2019 г., пераможцамі сталі:

1. Яшчарка Усевалад, ДУА «Гімназія г.Быхава» Магілёўскай вобласці. Свой дыплом Усевалад можа спампаваць тут

2. Мельнікава Вольга, ДУА «Гімназія г.Быхава» Магілёўскай вобласці. Свой дыплом Вольга можа спампаваць тут

3. Караленка Дзмітрый, ДУА «Гімназія г.Быхава» Магілёўскай вобласці. Свой дыплом Дзмітрый можа спампаваць тут.

 

Другое месца заваявалі:

1. Крукава Ангеліна, ДУА «Гімназія г.Быхава» Магілёўскай вобласці. Свой дыплом Ангеліна можа спампаваць тут.

2. Савосцікава Ангеліна, ДУА «Гімназія г.Быхава» Магілёўскай вобласці. Свой дыплом Ангеліна можа спампаваць тут

3. Белазор АленаДУА «Хорская сярэдняя школа». Свой дыплом Алена можа спампаваць тут

4. Ларына Дар’я, ДУА «Заеліцкі навучальна-педагагічны комплекс дзіцячы сад — сярэдняя школа». Свой дыплом Дар’я можа спампаваць тут.

5. Бакшук Юлія, ДУА «НПК Хвінявіцкі дзіцячы сад-сярэдняя школа». Свой дыплом Юлія можа спампаваць тут

6. Шымялевіч Арцём, ДУА «Доцішская сярэдняя школа» Гродзенскай вобласці.  Свой дыплом Арцём можа спампаваць тут.

7. Хальпукова Дарына, ДУА «Сярэдняя школа №23 г.Магілёва». Свой дыплом Дарына можа спампаваць тут

 

Трэцяе месца занялі: 

1. Манкевіч Раман, ДУА «Сярэдняя школа №4 імя В. Маркелава г. Гомеля». Свой дыплом Раман можа спампаваць тут

2. Шчэрбакоў Аляксандр, ДУА «Сухарэўскі вучэбна-педагагічны комплекс яслі-сад — сярэдняя школа імя Ю.М.Двужыльнага» Магілёўскай вобласці. Свой дыплом Аляксандр можа спампаваць тут

3. Казак Максім, ДУА «Сярэдняя школа № 35 г. Магілёва». Свой дыплом Максім можа спампаваць тут

4. Мядзведская Таццяна, ДУА «Сухарэўскі ВПК яслі-сад — сярэдняя школа імя Ю.М. Двужыльнага» Магілёўскай вобласці. Свой дыплом Таццяна можа спампаваць тут

5. Чурсіна Ксенія, ДУА «Сярэдняя школа №40 г.Віцебска». Свой дыплом Ксенія можа спампаваць тут

6. Шаляпенка Аліна, ДУА «Забялышынская сярэдняя школа» Магілёўскай вобласці. Свой дыплом Аліна можа спампаваць тут

7. Крэмко Альбіна, ДУА «Малоткавіцкая сярэдняя школа» Брэсцкай вобласці. Свой дыплом Альбіна можа спампаваць тут

8. Балаханава Паліна, ДУА «Сярэдняя школа № 35 г. Магілёва». Свой дыплом Паліна можа спампаваць тут

 

Вучні, якія не ўвайшлі ў лік прызёраў, але выканалі больш за 50% заданняў, атрымаюць электронныя сертыфікаты ўдзельнікаў.

СЕРТЫФІКАТЫ ЎДЗЕЛЬНІКАЎ:

Смалянікава Ірына, ДУА «Дуброўскі ВПК д/с – БС» (спампаваць).

Султанаў Максім, ДУА «Сухарэўскі ВПК яслі-сад-сярэдняя школа імя Ю.М.Двужыльнага» Магілёўскай вобласці (спампаваць).

 

Поўны спіс удзельнікаў алімпіяды кожнай установы адукацыі з працэнтам выканання заданняў адміністрацыя можа даслаць праз электронную пошту, калі кагосьці з настаўнікаў цікавяць вынікі тых удзельнікаў, якія не трапілі ў зводную табліцу.

Зводная табліца вынікаў вучняў, якія выканалі больш за 50% заданняў:

(Арфаграфія ў табліцы захавана аўтарская: так зарэгістраваліся вашы вучні!)

Праверка заданняў ажыццяўлялася спачатку ў аўтаматычным рэжыме, а потым уручную адсочваліся вынікі кожнага ўдзельніка. Таму вынікі ў табліцы могуць не супасці з тымі, якія бачылі вучні пасля выканання заданняў.

Адказы на заданні алімпіяды

Заданне 1. Запішыце, да якога тыпу і стылю тэксту належыць урывак.

Родная мова, такая знаёмая кожнаму з маленства, застаецца самай загадкавай і дзівоснай з’явай. Без мовы не было б чалавека, яго дапытлівай думкі, якой было мала зямной прасторы. Яна сягала ў бязмежжа космасу, прагна ўзіралася ў зоркі, спрабуючы прачытаць таямніцу ўзнікнення Сусвету.

Пакуль чалавек ствараў мову, яна будавала ягоную душу, вучыла адчуваць і думаць вобразамі.

Адказ:

Тып: разважанне

Стыль: публіцыстычны

Заданне 2. Адзначце жанры публіцыстычнага стылю:

рэпартаж

інтэрв’ю

распіска

рэцэнзія

дысертацыя

казка

нарыс,

эсэ

Заданне 3. Вызначце ідэю наступнага тэксту:

Слуцкія паясы

Сёння яны зберагаюцца ў самых вядомых музеях Лондана і Парыжа, Варшавы і Кіева і іншых гарадоў свету. Вельмі багаты і каштоўны збор таксама захоўваўся ў Мінску, але ў гады Другой сусветнай вайны быў незваротна страчаны. Цяпер у Беларусі засталіся толькі рэшткі гэтых дзівосных вырабаў. Глядзіш на іх, і міжволі згадваецца ранішні  росны луг, што пераліваецца ўсімі колерамі пад першымі сонечнымі промнямі.

3 сівой даўніны і на працягу доўгіх стагоддзяў ткацкі станок надзейна служыў людзям. 3 пакалення ў пакаленне перадаваліся таямніцы ткацкага майстэрства, і нялёгкая праца ператварылася ў высокае мастацтва.

Варыянты адказаў:

1) Большасць слуцкіх паясоў незваротна страчана.

2) Слуцкія паясы былі вельмі прыгожымі.

3) Слуцкія паясы — адзнака багатага жыцця.

4) Слуцкія паясы — гонар Беларусі, узор высокага мастацтва і доказ таленавітасці нашых людзей.

5) Слуцкія паясы загадвалі па прыгажосці персідскія дываны.

Заданне 4. Адзначце радкі, у якіх словы ў дужках з’яўляюцца сінонімамі да выдзеленых слоў:

√ Навальніца сціхла (супакоілася) на світанні.

Ён быў дапытлівы (праніклівы), прыязна гаваркі, даверлівы.

Нібы дождж, маладосць хутка прамінае (прапускае).

√ Халодны месяц ночку сцеражэ (высочвае).

√ У музейным завулку дом стаяў асаблівы (адметны).

Пясчаная (пясочная) зямля давала слабыя ўраджаі.

Заданне 5. Вызначце стыль тэксту і запішыце толькі тое слова (у пачатковай форме), якое не характэрна для дадзенага стылю.

Дуб – род вечназялёных і лістападных дрэў і кустоў сямейства букавых. Вядома каля 600 відаў, пашыраных у паўночным паўшар’і і ў гарах трапічнага пояса.

Дуб на Беларусі – адна з асноўных лесаўтваральных парод. Драўніна моцная і гнуткая, мае высокія фізіятэхнічныя ўласцівасці і сімпатычную тэкстуру. Выкарыстоўваецца ў розных галінах прамысловасці і гаспадаркі.

Адказ:

Стыль: навуковы

Слова: сімпатычны

Заданне 6. Прачытайце тэкст і знайдзіце памылкі ў яго перакладзе. Выпраўце памылкі і запішыце словы правільна, у той форме, у якой яны павінны ўжывацца ў сказе. У адно акенца запісвайце адно слова.

Была ціхая летняя раніца. Солнце яшчэ не паспела забрацца высока і пералівалася міліёнамі агеньчыкаў у роснай траве, паблісквала на вільготным лісцці бяроз, расыпалася залацістымі плямамі праз лапкі ялін і верхавіны хвой. У лесе пахла малінамі.

Пах ад спелых ягад маліны ішоў далёка далёка. Ягады пахлі летам, сонцам і муравою палян. Толькі еш, не лянуйся! I мядзьведзік стараўся.

Адказ: Сонца, мільёнамі, лісці, рассыпалася, далёка-далёка, мядзведзік (або мядзведзяня).

Заданне 7. Злучыце ў пары маўленчыя тэрміны і іх тлумачэнне.

нататка — мінімальны газетны тэкст з адной галоўнай думкай, прызначаны для аператыўнага паведамлення;

рэпартаж — гэта паведамленне факту, апісальная, часам маляўнічая, разгорнутая перадача падзеі, у якой ярка выступае асоба аўтара;

паэма — вялікі вершаваны твор, у якім значныя праблемы рэчаіснасьці раскрываюцца адначасова эпічнымі (наяўнасьць у творы сюжэта, пэрсанажаў) і лірычнымі (вобраз лірычнага героя, лірычныя адступленьні) сродкамі;

аўтабіяграфія — апісанне свайго жыцця;

распіска — дакумент, які пацвярджае факт атрымання установай альбо пэўнай асобай важных дакументаў, матэрыяльных каштоўнасцей (грошай, рэчаў і пад);.

пратакол — від афіцыйнага дакумента, які дакладна перадае ўсё, пра што ішла гаворка на сходзе, паседжанні і інш.

 Заданне 8. Прачытайце сказы. Знайдзіце памылкі ва ўжыванні слоў. Выпішыце гэтыя словы ў акенцы.

Раззлаваны мужчына адштурхнуў газету ўбок. (адштурхнуў)

Я хачу звярнуцца да бацькоў, у якіх ёсць дзеці. (бацькоў)

Мы ўсе былі абрушаны гэтый падзеяй. (абрушаны)

На ўсе пытанні доктар адказваў неазначальна. (неазначальна)

Пеця і Кацярына ўдзвюх спявалі адну песню. (удзвюх)

Заданне 9. Адзначце правільныя сцерджанні адносна наступнага тэксту:

Жнівеньскія лугі

Не магу без хвалявання глядзець на жнівеньскія лугі. Шмат у іх неразгаданай і прыціхлай задуменнасці і красы. Буйныя травы скошаны. На месцы шырокіх пракосаў па ўсёй пойме ракі, наколькі можна ахапіць вокам, узняліся стагі духмянага сенца. I кожны стог па-свойму адметны. Вось гэты высокі, зграбны, быццам тая статуэтка з бронзы на зялёным аксаміце лугу стаіць. А гэты чамусьці нагадвае стройную маладую дзяўчыну з капрызна падціснутымі вуснамі…

1) Сказы звязаны паралельнай сувяззю.

2) Сродкамі сувязі 4 і 5 сказаў з’яўляюцца злучнік і лексічны паўтор.

3) Ідэя тэксту заключаецца ў 2 сказе.

4) Тэкст адносіцца да гутарковага стылю.

5) У загалоўку раскрываецца тэма тэксту.

6) Сродкамі сувязі 1 і 2 сказаў з’яўляюцца  лексічны паўтор і займеннік.

7) У загалоўку раскрываецца ідэя тэксту.

Заданне 10. Адзначце найбольш выразныя асаблівасці навуковага стылю:

1) выкарыстанне неалагізмаў, жарганізмаў,вульгарызмаў;

2) наяўнасць канцылярызмаў;

3) ужыванне тэрміналагічнай лексікі;

4) выкарыстанне вобразных сродкаў мовы;

5) наяўнасць моўных клішэ

6) дакладнасць і аб’ектыўнасць інфармацыі;

Заданне 11. Вызначце і запішыце, у якую тэматычную групу можна аб’яднаць наступныя словы:

Ружа, півоня, дзьмухавец, лілея, васілёк  (кветкі)

Гасцёўня, кабінет, палата, стадола, казарма  (памяшканні)

Каўнер, рукаў, кішэня, гузік, манжэта  (кашуля / часткі вопраткі)

Стадыён, трэнер, мяч, суддзя, матч  (спорт)

Сок, збіцень, квас, бярозавік (напоі)

Заданне 12. Запішыце, пра каго ці пра што гаворыцца ў наступных перыфразах?

1)    Кароль грыбоў – баравік;

2)    другі хлеб – бульба;

3)    даўганогі гаспадар нізін – бусел;

4)    нябесны дзіўны мост – вясёлка;

5)    уладар пушчы – зубр;

6)    баравая варажбітка – зязюля;

7)   гарласты вястун раніцы — певень.

Заданне 13. Перакладзіце на беларускую мову наступныя кампліменты:

Вас красит улыбка —  Вас упрыгожвае ўсмешка.

Вам идёт этот цвет — Вам пасуе гэты колер / Вам да твару гэты колер.

Вы такой внимательный —  Вы такі ўважлівы.

Мне очень приятно — Мне вельмі прыемна.

Как вы расцвили — Як вы расквітнелі.

Заданне 14. У маўленні людзі часта блытаюць адно слова з другім, лічачы іх сінонімамі. Патлумачце, ці ёсць розніца паміж словамі  «шкло» і «шыба»? А можа, яны абазначаюць адно паняцце?

Адказ: Шкло – празрысты матэрыял, які атрымліваюць у выніку пераплаўкі пяску. Шыба – частка шкла, абмежаваная аконнай рамай.

Заданне 15. Многія словы сёння выкарыстоўваюцца не толькі ў прамым значэнні, але і ў пераносным. Вызначце, з якой прафесіі прыйшлі ў літаратурную мову наступныя словы, сучаснае значэнне якіх пададзена ў дужках. 

Страчыць (хутка, паспешліва пісаць) —  шавец / кравец;

спудлаваць (зрабіць промах, схібіць) —  паляўнічы;

загартаваць (зрабіць стойкім, вынослівым) – каваль;

пасаваць (прызнаваць сябе бяссільным перад чым-небудзь) – спартсмен.

Добавить комментарий

Ваш e-mail не будет опубликован. Обязательные поля помечены *