Спакойнага шчасця
не зычу нiкому:
Навошта грымотам
маланка без грому,
Навошта ручай
без пякучае смагi,
Халодная ўвага,
не вартая ўвагi,
Жаданнi, што прагныя
крылы згарнулi,
Зязюля без лесу
i лес без зязюлi?
***
Мастацкія тропы:
Эпітэты: спакойнае, пякучае, халодная, прагныя.
Метафара: жаданні згарнулі крылы.
Мастацкія фігуры:
Анафара: навошта.
Хіязм: зязюля без лесу i лес без зязюлi.
Сінтаксічны паралелізм частак складанага сказа:
Навошта грымотам
маланка без грому,
Навошта ручай
без пякучае смагi…
Перыяд: верш прадстаўлены ў выглядзе аднаго завершанага сказа.
Інверсія: Спакойнага шчасця не зычу нiкому.
(Пры прамым парадку будзе: Не зычу нікому спакойнага шчасця).
Рытарычнае пытанне:
Навошта грымотам
маланка без грому,
Навошта ручай
без пякучае смагi,
Халодная ўвага,
не вартая ўвагi,
Жаданнi, што прагныя
крылы згарнулi,
Зязюля без лесу
i лес без зязюлi?