РБ, Гродзенская вобл., г.п.Зэльва

+375291247534 gorchichko@mail.ru

Вуснае выказванне «Кажуць, мова мая аджывае…»

матыватар пра мову

Нікога даўно не здзіўляе той факт, што беларусы амаль не гавораць на сваёй мове. Яе, як рарытэт, паклалі на полкі разам са слуцкімі паясамі і дастаюць толькі на вялікія святы. У будзённым жыцці беларус карыстаеца іншай мовай – рускай. Гэта не дзіўна, таму што на працягу гісторыі родная мова народа выцяснялася, замянялася чужаземнымі і паступова атрымала статус “мужыцкай”, “хамскай” мовы, не здольнай адлюстраваць усе багацце чалавечых пачуццяў і наваколля.

Сёння нам зручней гаварыць па-руску, таму што мы раслі ў рускамоўным асяроддзі і з маленства чулі не родную, а менавіта суседскую мову. Мала таго, на ўсіх тэхнічных сродках камунікацыі – тэлефонах, планшэтах, ноўтбуках — таксама ўстаноўлена руская мова, раскладка клавіятуры разлічана на рускага носьбіта. Дык на якой жа мове павінна гаварыць моладзь? Канечне, на рускай.

Але ж пры такім становішчы беларускія словы паступова знікнуць, і новыя пакаленні застануцца без унікальнай мовы — сакавітай, багатай, незвычайна пявучай. Адкрыйце любы твор беларускага пісьменніка і ўчытайцеся ў словы. Як прыгожа апісваецца прырода Беларусі, як тонка перадаюцца адценні чалавечых пачуццяў. Толькі беларуская мова здольна размежаваць “любовь к девушке” і “любовь к сосискам” з дапамогай розных слоў: каханне і любоў.

І пакуль беларус будзе трыммацца сваёй культуры – ён застанеццца як нацыя. Не дазваляйце сябе знішчыць духоўна, інакш мы апынемся ў стане рымлян: іх зямля цяпер належыць італьянцам, а самі рымляне зніклі, бо страцілі сваю мову.

«Не пакідайце ж мовы нашай беларускай, каб не ўмёрлі!» – заклікаў Францішак Багушэвіч. Я не буду заклілкаць, я только прашу – падумайце!

 

 

Добавить комментарий

Ваш e-mail не будет опубликован. Обязательные поля помечены *