Пробны тэст па падрыхтоўцы да ЦТ №2

1-1 Адзначце словы, напiсанне якiх не супадае з вымаўленнем:

1.   у спрэчцы
2.   прароцтва
3.   пяшчота
4.   скiбiна
5.   ткацкi

1-2 Адзначце радкі, у якіх усе словы маюць першы націскны склад:

1.   рэмень, імя, спіна, лопух
2.   аркуш, камбала, наспех, далей
3.   шкляны, знахар, каменны, стары
4.    кветнік, цэнтравы, болевы, вольха
5.   весці, мысленне, слабы, арышт

1-3 Адзначце словы, у якіх на месцы пропуску пішацца лiтара «е»:

1.   л_снікі
2.   фе_рверк
3.   вос_мсот
4.   выгл_д
5.   сн_гір

1-4 Адзначце словы, у якіх на месцы пропуску пішацца літара «ў»:

1.   зайшоў _ клас
2.   шлагба_м
3.   до_гі
4.   поды_м
5.   ва _дмурціі

1-5 Адзначце словы, у якіх на месцы пропуску пішацца мяккі знак:

1. дзес_ці
2.   сядз_це
3.   мадэл_ер
4.   рэл_еф
5.   мыш_як

1-6 Адзначце выпадкі, калі пры ўтварэнні пэўнай формы назоўніка адбываецца чаргаванне зычных гукаў

1.   на векавым (дуб)
2.   у (будучыня)
3.   ляжаць на (пясок)
4.   накрыць плечы (шаль)
5.   радавацца (поспех)

1-7 Адзначце словы, якія пішуцца з вялікай літары:

1.   г.п. Сасновы (Б,б)ор
2.   (К,к)упалаўскія чытанні
3.   Пётр (П,п)ершы
4.   (У,у)ральскія горы
5.   (М,м)інскія вуліцы

1-8 Адзначце словазлучэнні, у якіх выдзеленыя словы ўжыты ў пераносным значэнні:

1.   горкі вопыт
2.   нізкі ўчынак
3.   прыліў пяшчоты
4.   золата восені
5.   мужны ўчынак

1-9 Адзначце радкі, у якіх не ўсе словы сінанімічныя:

1.   гультай, лайдак, абiбок
2.   даверлiвы, прастадушны, наiўны
3.   аварыя, катастрофа, эпiдэмiя
4.   абстрактны, несапраўдны, адцягнены
5.   рэха, водгук, адгалосак

1-10 Адзначце словы, якія пішуцца праз злучок:

1.    жук_караед
2.   контр_разведка
3.   паветра_ачышчальныя установка
4.   авія_канструктар
5.   паўднёва_славянскія мовы

 

1-11 Адзначце словазлучэнні, у якіх назоўнікі маюць канчатак -у(-ю):

1.    з (дрот)
2.   без (сэнс)
3.   добрага (густ)
4.   ступень (бакалаўр)
5.   пах (палынь)

1-12 Адзначце выпадкі, у якіх дапушчаны памылкі ў дапасаванні да роду назоўнікаў:

1.   маленькі шчаня
2.   вясенняя мроіва
3.   тлумны Баку
4.   снежная завея
5.   з няўмекам Сашам

1-13 Адзначце дзеясловы, якія ўжываюцца з канчаткамі -ём, -ом ў форме 1-й асобы множнага ліку цяперашняга часу:

1.    несці
2.   даць
3.   браць
4.   рашаць
5.   ужываць

1-14 Адзначце словазлучэнні, у якіх лічэбнікі запісаны правільна:

1.    трымастамі рублямі
2.   абедзвюма рукамі
3.    чатырма яблыкамі
4.   з чатырмя сяброўкамі
5.   дзвесце двадцать семь дзён

 

1-15 Адзначце сказы, у якіх на месцы пропуску трэба ўжыць займеннік табе.

1.   Апрача____ , у наш пакой нiхто не заходзiў.
2.   Хай ____ шум вятроў не пужае.
3.   Краю мой родны, краю мой мілы, цудны, узорны, ад нiў залаты, хто ____ ўквецiў пушыстай калiнай, краскамi, лесам засеяў густым?
4.   «Не магу дараваць____ , бо ты падвёў усiх нас», — цiха прамовiла Лiда.
5.  Дай жа бог ____ даўжэйшага жыцця.

1-16 Адзначце правільна ўтвораныя і запісаныя дзеепрыметнікі:

1.   засеяныя
2.   аспрэчаныя
3.   пераацэненныя
4.   прынесяны
5.   зламаны

1-17 Адзначце сказы, у якіх дзеепрыслоўі ўжыты правільна.

1.  Спявала, дажынаючы паласу, і Ганна, якой час ад часу памагала, падгалошвала маці.
2.   Улетку гэта зорка, бліскаючы і пераліваючыся, вылучаецца роўным матава-белым святлом.
3.   Слухаючы простыя і шчырыя словы брыгадзіра, у сялян склалася добрае ўражанне аб ім.
4.   Погляд прабег па дзяўчыне, хочучы запомніць надоўга твар.
5.   Мурза супакоіўся і нават панюхаў Максіма, дыхнуўшы на яго цеплым і казытлівым сабачым пахам.

1-18 Адзначце словазлучэнні, у якіх словы пішуцца асобна:

1.   (з)усім разгубіўся
2.   вывучыць (як)след
3.   пакласці (на)верх лядоўні
4.   закалола (у)баку
5.   бегчы (на)выперадкі

 

1-19 Адзначце сказы, у якіх часціца не пішацца асобна.

1.   Нікім (не) палітыя кветкі ўжо пачыналі вянуць.
2.   У сем`ях некаторых местачкоўцаў, якіх Васіль ведае, справы ідуць (не) лепш.
3.   (Не) пакоіць хворага доктар не дазволіў.
4.  Ягадзіны былі буйныя, крамяныя, яшчэ (не) пераспелыя.
5.  На стале ляжаў (не) цэлы бохан, а паўбохана свежага хлеба.

1-20 Адзначце сказы, у якіх ужываецца часціца не.

1.   Бацька н_ ў чым Прадславе не пярэчыў, бо яму падабаўся тонкі густ дачкі.
2.    Людзі н_ могуць існаваць без мовы.
3.    Ты н_ мог бы заўтра дапамагчы мне?
4.   Як бы н_ працівіліся халады, а прырода сваё возьме.
5.   Дзе б ты н_ быў, вабяць да сябе крыніцы маленства.

1-21 Адзначце сказы, у якіх на месцы пропуску неабходна паставіць працяжнік.

1.   Слова _ да згоды сцежка.
2.   Вясёлы чалавек _ гэта мой сусед.
3.   Пісаць пра мінуласць _ не крочыць назад.
4.    Жар суніц _ кроў з нечай раны, незагоенай, набалелай.
5.   Мiнулае _ падмурак будучынi.

1-22 Адзначце сказы, у якіх пунктуацыю трэба дапоўніць коскай(коскамі).

1.    Новы з чырвонае цэглы, па-мастацку зложаны будынак цешыў вока сваім прыгожым выглядам.
2.    Настала свята прасторных залітых сонцам, саломаю жнівеньскіх дзён.
3.   Белай коўдрай улёгся снег на палеткі і лугі, рэкі і азёры.
4.   Над Прыпяццю так і зіхаціць яснае сонечная раніца.
5.   Лёня адчуў цяпло яе маленькай моцнай далоні.

1-23 Адзначце сказы, у якіх на месцы пропуску коска не ставіцца.

1.   З-за лесу паказаўся круглы _ як шар _ месяц.
2.    Калі не прабіўся, не спраўдзіўся _ як артыст _ да сарака гадоў, такая твая доля.
3.    Калгаснікі ведалі Тодара _ як чалавека нестандартнага мыслення.
4.    Пшанiца_ што лес.
5.    Сёлета надвор`е добрае, таму i на градах усё расце_ як на дражджах.

1-24 Адзначце сказы, у якіх вызначаныя слова выдзяляюцца працяжнікамі ці дужкамі.

1.    Зусім не па сваёй волі і не дзякаючы сваім заслугам іх яшчэ не было стаў малодшы Ягайлаў сын Казімір вялікім князем літоўскім.
2.   Аглушаны, спалоханы мне не сорамна прызнацца я не паспеў спытацца пра Кацю.
3.   Мелодыя гэта чулася ў кажным яе адценні ішла з глыбіні вякоў.
4.   Паветра здавалася трымцела ад мроіва.
5.   Як сёння ўяўляецца Вацлаў Ластоўскі — постаць прамяністая і магутная.

1-25 Адзначце сказы, у якіх выдзеленыя словы адасабляюцца.

1.   У вялікіх падзеях заўсёды чуцен быў голас Янкі Купалы вялікага сына беларускага народа
2.   Аздоблены рознымі точанымі ўзорамі калаўрот стаіць побач з кроснамі.
3.   Сюды прыходзяць алені вельмі згаладалыя за дзень.
4.   Паводле распрацаванага дома плана першы начлег быў прызначаны на Нёмане.
5.   Часам настрой чалавека сугучны настрою, які пануе ў прыродзе.

1-26 Адзначце сказы, у якіх дапушчаны пунктуацыйныя памылкі.

1.    У Марынкі акрамя яе знешняй прыгажосці было нешта сваё, прыгожае ў натуры.
2.   У хаце, апрача бабкі Насты, нікога не было.
3.   Звесіўшы над вадою махрастыя галіны і аплёўшы пясчаны бераг цэлаю сеткаю смалянога карэння, стаялі пышныя хвоі.
4.   Рэжысёр пайшоў з кабінета не азіраючыся.
5.   Люда, не чакаючы адказу, падышла да печы.

1-27 Адзначце сказы, у якіх на месцы пропуску ставіцца коска.

1.   Ні заяц не прабягаў_ ні дробная птушка не пралятала паблізу.
2.   Між людзей заўсёды весялей_ і не так дакучаюць думкі.
3.   Зіма _ і холад нясцерпны.
4.    Чалавек у жыцці шмат выпрабаванняў праходзіць _ ды не кожнае з іх правярае яго.
5.    Лес паволі расступіўся _ і мы выйшлі на ўзлесак.

1-28 Адзначце складаназалежныя сказы, у якіх даданая частка звязана з галоўнай пры дапамозе злучальнага слова

1.   Востраў, які быў пакрыты нізкарослым хвойнікам, не быў падобны на звычайную балотную выспу.
2.   Ёсць куток на зямлі, дзе крыніцы звіняць, з трысцягамі гавораць азёры.
3.   І выходзіла так, што дачка ўдалася ў матку.
4.   Доўга сонца гарачае з высі песціла колас, каб добра наліўся.
5.   Каб толькі дожджык у час, дык збажына пойдзе ў гору.

1-29 Адзначце сказы, у якіх на месцы пропуску ставіцца коска

1.    На стрэхах дыні познія даспелі_ фасоля парыжэла ля акна.
2.   Пахне маладою травіцай_ духмяны цёплы водар паляны напоўнены сонечным дыханнем.
3.   Кажуць жа_ і лапця не спляцеш не ўмеючы.
4.   Рана ў поле выязджай_ лепшы будзе ўраджай.
5.   Не яблынька лясовая_ ты злая асачына.

1-30 Адзначце складаныя сказы з рознымі відамі сувязі

1.   Сонца смаліць ад самага ранку, паветра нагрэлася да таго, што і дыхнуць, здаецца, нельга.
2.   Чалавек толькі тады Чалавек, калі ў яго душы ёсць пачуццё любові да Бацькаўшчыны, калі для яго з`яўляюцца святымі такія паняцці, як родны кут і бацькоўская хата, як праца і запрацаваны хлеб.
3.   На дачы, як толькі зацвілі дзьмухаўцы, я іх скасіў, каб не паспелі выкінуць насення.
4.   І думалася яшчэ: як добра, што ёсць на гэтай апантанай зямлі мой ціхі, мой родны куток, дзе можна вось так, у святочнай сцішанасці, пастаяць, стрымліваючы на вачах слёзы, падумаць пра сваё мінулае і сваё заўтрашняе.
5.   Гасцей многа, i в хаце так цесна, што Марыля, маладая жонка Юркi Iванавiча, спачатку разгубiлася.

1-31 Адзначце сказы, якія адпавядаюць схеме А:»П!»-а

1.    Ён выгукнуў немцы потым, схапіўшы аўтамат, сігануў праз акно.
2.   Міхась нечакана паклікаў хадзі сюды потым прамармытаў сабе нешта незразумелае.
3.   На беразе рэчкі салдаты спыніліся трэба ж было з`явіцца гэтай перашкодзе на іх шляху падумаў, відаць, кожны з іх.
4.   Замест адказу Сцёпка весела гаворыць ану прачытай яшчэ раз!
5.   Серж пачаў шаптаць бацьку на вуха хадзем дадому але бацька і слухаць не хацеў.

1-32 Адзначце, у якiм парадку трэба размясцiць сказы, каб атрымаўся тэкст.
1. Гэта вяртае мяне да жыцця яшчэ больш.
2. У роснай засенi цвiтуць маленькiмi белымi зоркамi кветкi чарнiц, а высока ўгары, на вершалiнах дрэў, iграюць промнi сонца.
3. «Добры кiёк, можа, прыдасца, хто ведае», — думаю я.
4. Я заўважаю, што побач стаiць надламанае дрэўца.
5. «Няхай расце», — думаю я. 6. Зламаць бярозку лёгка, ды яна яшчэ ўсё расце.

  4, 1, 2, 5, 3, 6

  6, 2, 1, 4, 3, 5

  3, 2, 1, 4, 5, 6

  2, 1, 4, 3, 6, 5

2-1 Выпішыце слова, у якім пасля прыстаўкі пішацца -й-

1. звыш_дэальны
2. абы_шоў
3. контр_дэя
4. пры_дзецца
5. дэз_нфарматар

2-2 Выпішыце слова, напісанае правільна

1. на ільдзіне
2. узлаваты
3. наоддаль
4. вупраж
5. одзыў

2-3 Запішыце назоўнік, які мае лексічнае значэнне

белы матылёк, вусень якога есць капусту.

2-4 Знайдзіце сказ з памылкай ва ўжыванні ступеней параўнання прыметніка або прыслоўя. Запішыце правільна варыянт формы слова.

1. Глыбей узарэш-болей збярэш.
2. Панна князёўна за ўсіх прыгажэй.
3. Маленькі хамячок пачаў шырыцца і рабіцца болей грузкім.
4. Наталька у вёсцы між сваімі найпрыгажэйшаю была.
5. У хаце стала шумней і весялей.

2-5 Знайдзіце словазлучэнні з памылкай у дзеяслоўным кіраванні. Запішыце правільна залежнае слова разам з прыназоўнікам.

1. Праз гэтую непрыемнасць Алеся сёння не самкнула вачэй да самай раніцы.
2. Маці ніяк не магла нацешыцца з сына.
3. Неспакойна трохі было на сэрцы ў Паўлюка, калі хадзілі на далёкае балота ў журавіны.
4. Вярнуўшыся з арміі, мой сусед ажаніўся на настаўніцы.
5. Раніцай бацька, паклаўшы на воз мяшкі, павёз ячмень у млын.

2-6 Выпішыце граматычную аснову з пэўнана-асабовага сказа.

1. Няпраўдай свет пройдзеш, ды назад не вернешся.
2. Жытні колас і васілёк на кашулі бацькавай помню.
3. Мяне сёння вельмі рана разбуділі.
4. Мне не трэба шукаць слоў для песень маіх.
5. Нехта зацягвае песню пад усхліпы гармоніка.

2-7 Знайдзіце сказ, у якім дапушчана памылка ў каардынацыі дзейніка і выказніка. Запішыце правільную форму ужывання выказніка.

1. Нехта з прамоўцаў высока ўзняў над галавою руку.
2. У вялікім садзе стаяць мноства вулляў.
3. Подпіс пад паперай быў размашысты і прыгожы.
4. Частка білетаў так і засталася ў касе.
5. Дацэнт Прохарава прачытала цікавую лекцыю.

2-8 Запішыце не названы у прыведзеным радзе стыль маўлення

мастацкі, публіцыстычны, навуковы, афіцыйна-дзелавы.

 

 

 

Tags: РТрэпетыцыйнае тэсціраваннетэстЦТцэнтралізаванае тэсціраванне